துணைத்தலைவர் பதவியை கைப்பற்றியது தி.மு.க 0 comments


பதிவு செய்த நாள் : அக்டோபர் 29,2011,22:01 IST
அருப்புக்கோட்டை : அருப்புக்கோட்டை நகராட்சி துணைத் தலைவர் பதவிக்கு அ.தி.மு.க.,வில் மெஜாரிட்டி இருந்தும், கோஷ்டிபூசலால் தி.மு.க.,வசமானதால்,அத்திரமுற்ற அ.தி.மு.க.,வினர், ரோடுமறியலில் ஈடுப்பட்டனர்.மறியலும் இரவு வரை நீடித்ததால் கிராமமக்கள் பரிதவித்தனர். விருதுநகர் மாவட்டம் அருப்புக்கோட்டை நகராட்சி தலைவர் பதவியை தி.மு.க., கைப்பற்றி உள்ளது. இங்கு வெற்றி பெற்ற கவுன்சிலர்களில் அ.தி.மு.க., 20 , தி.மு.க., 12 , காங்., மற்றும் ம.தி.மு.க., தலா ஒரு இடம், சுயே., 2 இடங்களை பிடித்தது. துணைத் தலைவருக்கான தேர்தலில் ,அ.தி.மு.க., சார்பாக கண்ணன் மற்றும் தமிழ்மணி சீட் கேட்டிருந்தனர். கட்சி தலைமை கண்ணனை வேட்பாளராக அறிவித்தது. தி.மு.க., சார்பாக தமிழ்காந்தன் அறிவிக்கப்பட்டார்.

இதை தொடர்ந்து நேற்று நடந்த தேர்தலில் தி.மு.க., வேட்பாளர் தமிழ்காந்தன் 20 ஓட்டுகள் பெற்று வெற்றி பெற்றார். அ.தி.மு.க., வேட்பாளர் கண்ணன் 17 ஓட்டுகளே பெற்றார். அ.தி.மு.க.,வில் மெஜாரிட்டி இருந்தும், கோஷ்டிபூசலால் துணைத் தலைவர் பதவியும் தி.மு.க.,வசமானது. கண்ணனை வேட்பாளராக அறிவித்ததில் அதிருப்தியில் உள்ள அ.தி.மு.க., வை சேர்ந்த ஒருசில கவுன்சிலர்கள், தி.மு.க., விற்கு ஓட்டு போட்டதால் ,துணைத்தலைவர் பதவியையும் தி.மு.க., கைப்பற்ற முடிந்தது . இதில் ஆத்திரமடைந்த கண்ணன் மற்றும் அவரது ஆதரவாளர்கள் ,நகராட்சி கமிஷனரை கண்டித்தும், மீண்டும் தேர்தல் நடத்த கோரி ,புதிய பஸ் ஸ்டாண்ட் அருகில் ரோடு மறியிலில் ஈடுப்பட்டனர்.பிற்பகல் 2 மணிக்கு துவங்கிய மறியல் இரவு 7.30 மணிவரை முடியாமல் நீடித்தது. மாலையில் பள்ளி முடிந்து வந்த மாணவர்கள், பஸ் இல்லாமல் ஊருக்கு செல்ல முடியாமல் தவித்தனர். கிராம மக்களும் அவதிப்பட்டனர்.பின்னர் இவர்கள் நடந்தே ஊர்களுக்கு சென்றனர். வெளியூருக்கு எந்த பஸ்சும் செல்லாததால் அருப்புக்கோட்டை ஸ்தம்பித்தது.இதை தொடர்ந்து , ராமன் டி.ஆர்.ஒ., பேச்சுவார்த்தை நடத்தினார்.

அருப்புக்கோட்டை ஒன்றிய தலைவர் பதவியையும் கைப்பற்றியது தி.மு.க., 0 comments


அருப்புக்கோட்டை : அருப்புக்கோட்டை ஒன்றிய தலைவர் பதவிக்கு தி.மு.க., சார்பாக போட்டியிட்ட யோகவாசுதேவன் வெற்றி பெற்றதாக அறிவித்ததால், ஆத்திரமுற்ற அ.தி.மு.க., வினர் ரோடு மறியலில் ஈடுபட்டனர். விருதுநகர் மாவட்டம் அருப்புக்கோட்டை ஒன்றியத்தில் அ.தி.மு.க., 8 , தி.மு.க., 4 , சுயேச்சைகள் 2 , ம.தி.மு.க., வில் ஒன்று என கவுன்சிலர்கள் உள்ளனர். நேற்று நடந்த ஒன்றிய தலைவர் பதவிக்கு அ.தி.மு.க.,வில் சங்கரலிங்கம், தி.மு.க.,வில் யோகவாசுதேவன், போட்டியிட்டனர். ம.தி.மு.க.,சீனிவாசன் தேர்தலில் கலந்து கொள்ளவில்லை. 14 கவுன்சிலர்கள் மட்டும் ஓட்டளித்தனர். அ.தி.மு.க., - தி.மு.க., வேட்பாளர் இருவரும் தலா 7 ஓட்டுகள் பெற்றனர்.

இதனால் அருமை நாயகம் வரகுணராஜ் ஆர்.டி.ஒ.,மற்றும் தேர்தல்அலுவலர் பரமசிவம் முன்னிலையில் குலுக்கல் முறையில் தேர்வு நடந்தது. தி.மு.க., வேட்பாளர் யோகவாசுதேவன் வெற்றி பெற்றார். இதை கண்டித்த அ.தி.மு.க., கவுன்சிலர்கள் ,அதிகாரிகள் முறைகேடு செய்து விட்டதாக புகார் கூறினர். இந்த தகவல் வெளியில் இருந்த சங்கரலிங்கம் ஆதரவாளர்களுக்கு தெரிந்ததும், மீண்டும் தேர்தல் நடத்த கோரி ,பாலையம்பட்டி ரோட்டில் ரோடு மறியலில் ஈடுப்பட்டனர். இதனால் அங்கு நேரம்போக்குவரத்து பாதிக்கப்பட்டது. தகவல் அறிந்த சாமிநாதன் ஏ.எஸ்.பி. , முருகேசன் டி.எஸ்.பி. ,மற்றும் அதிகாரிகள் சமாதானம் செய்தும் மறியல் செய்தவர்கள் கலையவில்லை. மதியம் 1.30 துவங்கிய மறியல் இரவு எட்டு மணிவரை நீடித்தது. அவர்களிடம் ராமன் டி.ஆர்.ஒ., தொடர்ந்து பேச்சுவார்த்தை நடத்தினார்.

TAMILNADU ATM CENTRE IN ARUPPUKOTTAI 0 comments

HI APK

IN APK., another one TMB(Tamilnadu Mercandile Bank) Atm has been opened  in

 Thiruchuli Road...

Customers can use this....



Subscribe to: Posts (Atom)